Neyðarhringingar
Mikilvægt: Þetta tæki notar útvarpsmerki,
þráðlaus staðarnet, kapalkerfi og notendaforritaðar
aðgerðir. Ef tækið styður símtöl á internetinu (netsímtöl)
skaltu bæði kveikja á farsímanum og á netsímtölum.
Tækið reynir bæði að koma á neyðarsímtölum á
farsímakerfinu og um þjónustuveitu netsímtala ef bæði
eru valin. Ekki er hægt að tryggja tengingu við allar
aðstæður. Því skyldi aldrei treysta eingöngu á þráðlaust
tæki ef um er að ræða bráðnauðsynleg fjarskipti, t.d. í
bráðatilvikum.
Neyðarsímtal:
1. Ef slökkt er á tækinu skal kveikja á því. Athuga skal
hvort nægilegur sendistyrkur sé fyrir hendi. Þú gætir
einnig þurft að ljúka eftirfarandi, allt eftir tækinu þínu:
• Settu SIM-kort í tækið þitt ef það notar slíkt kort.
• Eyddu öllum takmörkunum sem þú hefur valið í
tækinu þínu.
• Breyttu sniðinu þínu úr sniði án tengingar eða
flugsniði í virkt snið.
2. Ýttu eins oft á endatakkann og þarf til að hreinsa
skjáinn og gera tækið reiðubúið fyrir símtöl.
3. Veldu opinbera neyðarnúmerið fyrir viðkomandi
svæði. Neyðarnúmer eru breytileg eftir stöðum.
4. Styddu á hringitakkann.
Í neyðarsímtali þarf að gefa upp allar nauðsynlegar
upplýsingar eins nákvæmlega og kostur er. Þráðlausa
tækið getur verið eina samskiptatækið á slysstað. Ekki má
slíta símtali fyrr en að fengnu leyfi til þess.